Rossi: Ne jemi kampionë që na duan njerëzit e thjeshtë

Formula 1

Rossi: Ne jemi kampionë që na duan njerëzit e thjeshtë

Më: 10 nëntor 2021 Në ora: 12:33
Rossi: Ne jemi kampionë që na duan njerëzit e thjeshtë

Valentino Rossi njësoj si Marco Pantani. Jo vetëm për nga ngjyra e tyre e preferuar, e verdha, që e kanë përdorur të dy ikonat e sportit italian, por edhe për faktin se që të dy janë mjaft të dashur nga populli. I këtij mendimi është piloti i MotoGP, që pas 10 ditësh do të mbyllë karrierën e tij në garat e motoçiklizmit.

“Mendoj se unë dhe Marco Pantani jemi kampionë të popullit, ndihem njësoj si ai. Edhe unë kam patur vështirësitë e mia, kam kaluar betejat e mia dhe më kanë ndihmuar njerëz të thjeshtë, ata të lokaleve.

Pantani më ka magjepsur gjithnjë dhe kur e shoh në fotografi mërzitem që sot nuk është më”, tha Valentino Rossi.

“Ne jemi kampionë që na duan njerëzit e thjeshtë, pasi kemi ditur të jemi si ata, duke qenë idhuj për këta njerëz të thjeshtë e pa shumë pretendime.

Unë dhe Pantani jemi njerëz që vijmë nga populli dhe jemi përpjekur ta transformojmë sportin tonë në popullor dhe të dashur për të gjithë”, u shpreh Rossi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat