Hamiltoni penalizohet me 5 pozicione

Formula 1

Hamiltoni penalizohet me 5 pozicione

Më: 12 nëntor 2021 Në ora: 11:43
Hamiltoni penalizohet me 5 pozicione

Piloti britanik Luis Hamilton pritet të dënohet me 5 pozicione në garën e radhës, në Brazil. Për momentin ky vendim nuk është ende zyrtar, por pritet që brenda pak orësh të mësohet fati i Hamiltonit dhe makinës së tij të “Mercedesit”.

Makina e pilotit britanik ka një problem në pompën e presionit të ujit, që duket se rrjedh ujë. Për këtë arsye, te makina e tij do të montohen një pajisje e re dhe sipas rregullores, kjo do të sjellë një penalitet me 5 pozicione në startin e garës që zhvillohet në pistën e “Interlagos”.

Ky penalitet nuk ka lidhje me garën “sprint” që zhvillohet këtë të shtunë në Brazil, por do të ketë efekt në startin e garës të së dielës.

Në bazë të pozicionit të garës “sprint” do të vijë edhe penalizimi, gjithnjë nëse Hamilton vendos të montojë pjesë të reja të motorit të “Mercedes”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat