Sezoni 2022 mund të ketë ndryshime

Formula 1

Sezoni 2022 mund të ketë ndryshime

Më: 11 janar 2022 Në ora: 13:22
Sezoni 2022 mund të ketë ndryshime

Pandemia Covid 19, që prej dy vitesh ka pushtuar botën dhe ka ndikuar mjaft në sportin e Formula 1, edhe këtë vit pritet të ketë impakt në kalendarin e garave. Ai që e konfirmon këtë gjë është presidenti i Formula 1, Stefano Domenicali.

Edhe këtë vit, në kalendar janë 23 gara, një rekord, por situata mund të ketë të papritura, ashtu sikurse ka ndodhur dy vitet e fundit.

“Shtetet e Bashkuara të Amerikës janë të rëndësishme për ne dhe po punojmë për ta bërë të mundur zhvillimin e garës në Majemi. Nuk mund të lëmë pas dore Kinën, sidomos tani që kemi një pilot kinez në gara. Gjithashtu synojmë rikthimin në Afrikë”, u shpreh Domenicali.

“Sezoni 2022, ashtu si dhe në dy vitet e fundit, do të varet shumë nga pandemia dhe se si do të jetë situata në vendet organizatore. Nuk e nënvlerësojmë pandeminë, ndaj mund të ndërhyjmë në kalendarin e garave. Kemi pista që janë gati të rikthehen në kampionat në rast se do të ketë ndryshime”, tha Domenicali.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat