Kampioni i botës kalon me sukses testet

Formula 1

Kampioni i botës kalon me sukses testet

Më: 18 janar 2022 Në ora: 14:04
Kampioni i botës kalon me sukses testet

Piloti spanjoll i Honda, Marc Marquez, ka kryer disa teste shtesë më motor në pistën e Portimao (300km me një motor rruge dhe jo gare), për të parë gjendjen e tij në prag të sezonit të ri të MotoGP. Siç dihet, 8 herë kampioni i botës në garat e motoçiklizimit ka patur probleme me shikimin (diplopia) pas një rrëzimi me motor në nëntor të vitit të kaluar, që e detyroi të mungojë në dy garat e fundit.

“Ndihem shumë mirë dhe jam i lumtur, pasi u riktheva në motor pas dy muajsh.

Ndjesitë janë të mira dhe shpresoj të jem 100% gati për testet dimërore që do të zhvillojmë në Sepang.

Teksa pilotoja motorin nuk kisha asnjë problem me shikimin. Ajo që ndjej është se kam nevojë për pak më shumë përgatitje fizike. Gjithsesi, kam edhe dy javë kohë deri në testet e Sepang dhe do të stërvitem fort”, tha Marquez.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat