Nesër, në Gjilan, mbahet gara e parë e kartingut për këtë vit

Formula 1

Nesër, në Gjilan, mbahet gara e parë e kartingut për këtë vit

Më: 23 prill 2022 Në ora: 21:04
Nesër, në Gjilan, mbahet gara e parë e kartingut për këtë vit

Kampionati i Kosovës në automobilizëm vazhdon këtë të diel me garën në disiplinën e kartingut, e cila zhvillohet në Gjilan.

Gara do të mbahet në pistën F1 GoKart. Bëhet fjalë për garën e parë në këtë disiplinë për këtë vit, ndërsa ajo që bie në sy është interesimi i madh i pjesëmarrësve. Po ashtu pritet që edhe interesimi i dashamirëve për këtë disiplinë të jetë i madh.

Federata e Auto Sportit e Kosovës (FASK) është duke punuar me përkushtim në mënyrë që gara të ketë rrjedhën më të mirë të mundshme.

Paraqitja në garë bëhet në intervalin kohor 10:30-11:30 e më pas bëhet kontrollimi teknik.

Lëshimet e lira, takimet e Komisionit Sportiv, matja e kohës për listën shartuese dhe takimi me garues i paraprijnë fillimit zyrtar të garës, që është planifikuar për orën 13:30.

Duke marrë parasysh se shumica e garuesve janë të moshës së re, theks i veçantë i kushtohet aspektit të sigurisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat