Wolff nuk heq dorë: Barcelona vendimtare

Formula 1

Wolff nuk heq dorë: Barcelona vendimtare

Më: 18 maj 2022 Në ora: 12:06
Wolff nuk heq dorë: Barcelona vendimtare

Vetëm dy podiume deri më tanië në 5 garat e para sezonale të Formula 1 dhe 63 pikë disavantazh ndaj Ferrarit, janë shifra që flasin se makina Mercedes nuk është në atë nivel që pritej.

Skuadra kampione e botës, që ka dominuar në vitet e fundit, këtë vit ka ngecur që në start, duke mos qenë në gjendje të rivalizojë.

Në prag të garës që zhvillohet këtë fundjavë në pistën spanjolle të Montmelo (Barcelonë), drejtori sportiv i Mercedes, Toto Wolff, tha: “Kjo garë është e rëndësishme për ne, për ta krahasuar me atë që zbriti në pistë gjatë testeve dimërore. Në Majemi patëm momente përmirësimi, që na japin besim për të ardhmen”.

“Barcelona është pista e përkryer për të marrë një përgjigje përfundimtare në lidhje me besueshmërinë e makinës tonë. Nuk ka përfunduar ende asgjë, pasi janë 23 gara në total. Barcelona është, si në basketboll, përfundimi i çerekut të parë të një ndeshje. Janë ende për t’u zhvilluar 3/4 e sezonit”, tha Wolff.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat