Kosova me gjashtë garues në Sternberk të Çekisë

Formula 1

Kosova me gjashtë garues në Sternberk të Çekisë

Më: 25 maj 2022 Në ora: 15:52
Kosova me gjashtë garues në Sternberk të Çekisë

Gjashtë garues tanë, në këtë fundjavë, do të marrin pjesë në garën e disiplinës malore, e vlefshme për Kampionatin Evropian në automobilizëm, e cila mbahet në Sternberk të Çekisë.

Liridon Kalenderi, Gazmend Demolli, Valdet Kaçandolli, Arjeta Rysha, Lëndrim Dogani e Faton Rama janë garuesit e përzgjedhur nga FASK për këtë garë.

Të martën pasdite, veturat janë ngarkuar në kamion për t’u nisur drejt Çekisë, ndërsa të mërkurën kanë udhëtuar garuesit, mekanikët dhe zyrtarët e FASK-ut.

Pavarësisht konkurrencës së fortë dhe numrit të madh të pjesëmarrësve, garuesit tanë janë optimistë për rezultate të mira.

Kjo mund të thuhet sidomos për Kalenderin, Kaçandollin e Demollin, të cilët kanë vetura cilësore, e njëherësh edhe përvojë më të gjatë. Sigurisht që edhe të tjerët synojnë që nga Çekia të kthehen me rezultate të mira.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat