Perez triumfon në Montekarlo, zhgënjen Ferrari

Formula 1

Perez triumfon në Montekarlo, zhgënjen Ferrari

Më: 29 maj 2022 Në ora: 18:17
Perez triumfon në Montekarlo, zhgënjen Ferrari

Piloti meksikan i Red Bull, Sergio Perez, fitoi sot garën e Cmimit të Madh të Montekarlos në Formula 1, zhvilluar në pistën qytetase të Monaco.

Një garë që zgjati 3 orë dhe e mbyll pa kompletuar 77 xhirot e parashikuara. Kjo për shkak të dy flamujve të kuq që u valëvitën gjatë garës, një herë prej shiut e një herë pas aksidentit të Mick Schumacher.

Perez e nisi garën i treti, por përfitoi nga një strategji më e mirë e skuadrës Red Bull, duke arritur të parakalojë në bokse dy makinat Ferrari. Në vendin e dytë u rendit spanjolli Carlos Sainz me Ferrari e pas tij u klasifikua Max Verstappen me Red Bull (i treti). Vetëm i katërti Charles Leclerc me Ferrarin tjetër, i zhgënjyer nga ky rezultat.

Leclerc e nisi garën nga “pole”, por strategjia e gabuar e gomave diktoi rezultatin e kësaj gare, e mallkuar për të, pasi nuk ka fituar asnjëherë.

Në xhirot e fundit, katër të parët dueluan për fitore, por ishte e pamundur të parakalohej në pistë. Gjithsesi, një garë ku nuk munguan emocionet, teksa shiu bëri që ajo të niste më shumë vonesë.

comment Për komente lëvizni më poshtë
Sot mund të lexoni Shfletoni kopertinat