Szasz fiton në Krujë, Demolli e Kaçandolli në podium

Formula 1

Szasz fiton në Krujë, Demolli e Kaçandolli në podium

Më: 13 qershor 2022 Në ora: 00:41
Szasz fiton në Krujë, Demolli e Kaçandolli në podium

Ka përfunduar gara në disiplinën malore “Trofeu Skënderbej”, e cila gjatë kësaj fundjave u mbajt në Krujë.

Hungarezi Laszlo Szasz është fitues i garës së sivjetme. Ai me Raynard Zytek, deri te fitorja arriti me kohën 04:39.918 minuta.

Pozita e dytë i takoi garuesit tonë, Gazmend Demollit, i cili me Radicall SR8 LM, në krahasim me fituesin u vonua për 05.809 sekonda.

Podiumi i fituesve në plasmanin e përgjithëm u plotësua me Valdet Kaçandollin, i cili pati kohën 05:07.992 minuta.

Edhe garuesit tjerë të Kosovës patën paraqitje shumë të mirë, ndërsa në mesin e dhjetë të parëve u gjendën edhe: Valon Rexhepi, Ernest Daka e Fatos Krasniqi.

Rëndësia e garës për garuesit tanë ishte e dyfishtë, duke marrë parasysh se poentohet për Kampionatin e Kosovës dhe Kampionatin FIA CEZ.

Sa i përket kampionatit vendor, në plasmanin ekipor, në pozitën e parë u rendit Racing Team Prishtina.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat