Formula 1 synon rekordin e 25 garave vitin tjetër

Formula 1

Formula 1 synon rekordin e 25 garave vitin tjetër

Më: 14 qershor 2022 Në ora: 12:52
Formula 1 synon rekordin e 25 garave vitin tjetër

Liberty Media, kompania që drejton sportin e Formula 1, synon të organizojë një botëror me 25 gara vitin e ardhshëm.

Pra, një garë më shumë se limiti i 24 garave i vendosur nga marrëveshja mes skuadrave dhe Liberty Media. Ndërkohë që, këtë vit sezoni do të jetë me 22 gara.

Mediat italiane konfirmojnë se skuadrat po bisedojnë me drejtuesit e Formula 1 për ta rritur këtë limit garash, duke parë shtimin e numrit të pistave. Sidomos në Amerikë, ku është rritur interesi për sportin e automobilizimit. Ndërkohë që, në kalendar pritet të rikthehet vitin 2023 edhe Afrika e Jugut.

Vitin e ardhshëm do të rikthehet në kalendar gara e Kinës (mungon prej 3 vitesh prej pandemisë) dhe do të debutojë gara e Las Vegas. Këtë sezon ishte parashikuar një kalendar me 23 gara, por u anullua gara e Sochi (Rusi) për shkak të luftës në Ukrainë.

Ajo garë nuk u zëvendësua me pistë tjetër.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat