Çmimi i Madh në Francë

Formula 1

Çmimi i Madh në Francë

Më: 24 korrik 2022 Në ora: 11:46
Çmimi i Madh në Francë

Dueli Red Bull-Ferrari me pilotët e tyre Max Verstappen dhe Charles Leclerc këtë fundjavë është zhvendosur në Francë.

Në provat zyrtare Leclerc ishte superior dhe në garën e së dielës do të startojë nga Pole Position teksa disa metra pas tij është Kampioni i Botës në fuqi, Verstappen me holandezin që do të provojë të sulmojë menjëherë pilotin e Ferrarit.

Pista e Paul Ricard jep mundësinë e shumë parakalimeve teksa konsiderohet si një nga më të shpejtat e kalendarit teksa në shumë raste edhe kthesat janë nga ato në të cilat pilotët i marrin duke përdorur minimalisht frenat. Gjithsesi, kjo anë ka edhe rrezikun e vetë pasi në rast të një gabimi, atëherë rrezikohet një aksident i rëndë.

Jo më kot, pista është e pajisur me disa shtresa në ngjyrë blu dhe të kuqe të cilat shërbejnë pikërisht për të ulur shpejtësinë e makinës që del jashtë trajektores pasi në këtë pistë mungon zhavorri i zakonshëm. Saktësisht, vijat blu janë ato të cilat e ngadalësojnë më lehtë makinën, ndërsa të kuqet kanë një impakt më të madh në bllokimin e gomave.

Ndërkohë, ngjyrat kanë krijuar jo pak polemika mes pilotëve të cilët nuk janë fansa të mëdhenj pasi ngatërrohen, një episod që i ka ndodhur Sebastian Vettel në vitin 2018.

Gjithsesi, organizatorët janë të detyruar të veprojnë në këtë mënyrë për të evituar rreziqet e larta. Cirkuiti Paul Ricard ka debutuar në botën e Formula 1 në vitin 1972 dhe gjithsej ka 15 kthesa ndërsa gjatësia e pistës është 5.842 metra. Ndërkaq, kjo mund të jetë edhe hera e fundit që garohet në Paul Ricard duke qenë se në vijim kalendari i Formula 1 do të zgjerohet me Las Vegasin dhe Kinën dhe vështirë se mund të rezervohet një vend për pistën franceze, kontrata e së cilës skadon pikërisht në vitin 2022.

Kujtojmë se garën e së dielës, mund ta ndiqni në RTSH nëpërmjet platformës Digitalb.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat