Ferrari dominon në Monza

Formula 1

Ferrari dominon në Monza

Më: 10 shtator 2022 Në ora: 19:03
Ferrari dominon në Monza

Charles Leclerc me Ferrari siguroi sot pasdite “pole position” në pistën e Monza, ku ditën e diel do të zhvillohet gara e Cmimit të Madh të Italisë në Formula 1.

Piloti monogask i “kokëkuqes” dha kohën 1’20”161, duke qenë më i shpejti në pistë, kohë e arritur në përpjekjen e tij të fundit.

Në vendin e dytë u rendit Max Verstappen me Red Bull, por që do ta nisë garën nga vendi i shtatë, pas penalizimit. Në total, janë 9 pilotë që kanë marrë penalizime, për shkak të modifikimeve që kanë bërë në makinat e tyre. Kohën e tretë e dha Carlos Sainz me makinën tjetër Ferrari, ndjekur nga Sergio Perez me Red Bull. Edhe këta dy pilotë do të kenë penalizime.

Në vendet 5-6 u klasifikuan dy makinat Mercedes, me Lewis Hamilton e George Russell. Ky i fundit do ta nisë garën nga vija e parë (i dyti), pasi ata që janë para tij do të pësojnë penalizime. Në “top-10” u klasifikuan edhe Norris, Ricciardo, Gasly e Alonso.

Gara e nesërme pritet të jetë mjaft interesante, duke parë që mjaft pilotë “big” do ta nisin atë nga mesi apo fundi i renditjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat