Demolli vazhdon me fitore, në podium edhe Daka e Rama

Formula 1

Demolli vazhdon me fitore, në podium edhe Daka e Rama

Më: 11 shtator 2022 Në ora: 23:07
Demolli vazhdon me fitore

Gazmend Demolli është fitues i garës në disiplinën malore “Molika 2022”, e cila u mbajt të dielën në afërsi të qendrës së skijimit në Brezovicë.

Demolli me Radicall SR8 LM deri te fitorja arriti me kohën 03:39.063 minuta, përfshirë dy vozitjet. Shtegun prej 3.9 kilometra ai e kaloi për 01:49.428 dhe 01:50.265 minuta.

I dyti në plasmanin e përgjithshëm u rendit Ernest Daka me BMW M3 me kohë 03:55.051 (01:57.091 dhe 01.57.960).

Podiumi i fituesve u plotësua nga Faton Rama, i cili me Renault Clio pati kohë 04:10.658 minuta (02:06.653 dhe 02:04.005).

Në konkurrencën ekipore në tri pozitat e para u renditën: AK Ferizaj me 55 pikë, Prishtina RT me 50 dhe AMTKK me 50 pikë.

FASK falënderon personelin e hotelit “Rock” për mikpritjen dhe ndihmën e ofruar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat