Piloti francez në Formula 1, Pierr Gasli, në sezonin e ardhshëm do të drejtojë makinën e skuadrës “Alpin”.
Në anën tjetër, në vendin e tij, te skuadra e “Alfa Tauri”, do të jetë piloti holandez, Nik De Vris.
Francezi Gasli do të zëvëndësojë Fernando Alonson dhe do të bashkohet me Esteban Okonin, një mik nga fëmijëria e tij, duke krijuar dyshen franceze nga viti 2023 te skuadra “Alpin”.
Kujtojmë se Gasli në karrierën e tij të deritanishme, ka shënuar një fitore, duke triumfuar në garën për Çmimin e Madh të Italisë në Monza, në vitin 2020.
Ndërkohë, De Vris, te skuadra “Alfa Tauri” do të jetë kolegë me pilotin japonez Juni Cunoda.
