Formula 1 merr vendimin për garën në “Interlagos”të Brazilit

Formula 1

Formula 1 merr vendimin për garën në “Interlagos”të Brazilit

Më: 4 nëntor 2022 Në ora: 11:58
Formula 1

Situata në Brazil nuk është aspak e mirë pas zgjedhjeve të fundit, ku dhuna në rrugë është e pranishme në të gjithë shtetin amerikano-latin dhe protestat janë të shumta. Mjaft nga rrugët kombëtare janë bllokuar, përfshi edhe ato që lidhin aeroportin e San Paolo me pistën e “Interlagos”, ku zhvillohet gara e radhës në Formula 1.

Mediat ndërkombëtare u shprehën se gara e radhës e botërorit, e planifikuar pas 10 ditësh në Brazil, mund të anullohet, si pasojë e situatës së krijuar. Gjithsesi, drejtuesit e Formula 1 kanë siguruar se gara do të zhvillohe normalisht më 13 nëntor.

“Fundjava e garës së ardhshme në Brazil do të jetë e qetë dhe gjithçka do të zhvillohet normalisht”, tha Stefano Domenikali, presidenti i Formula 1.

Duket se kreu i Formula 1 ka marrë garanci për zhvillimin normal të garës. Gjithsesi, dy ditë më parë, mjaft kamionë ishin bllokuar rrugës për në pistën e “Interlagos”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat