Wolf: Duam të vazhdojmë me sukseset

Formula 1

Wolf: Duam të vazhdojmë me sukseset

Më: 29 prill 2025 Në ora: 14:07
Toto Wolf

Gara e fundit e Formula 1 zhvilluar në pistën e Xheda nuk ishte fort e mirë për Mercedesin, por makina britanike ka bërë një paraqitje të mirë në këtë fillimsezoni.

Me 111 pikë në total, makina gjermane renditet e dyta në botërorin për konstruktorë.

Deri më tani, pilotët Xhorxh Rasell dhe Kimi Antonelli kanë qenë gjithnjë mes më të mirëve, sidomos britaniku, që është renditur në “Top-5”. Këtë fakt e konfirmon edhe shefi i Mercedesit, Toto Wolf.

“Kemi pasur një fillim të mirë të sezonit, por nuk kemi ndjenjën e vetëkënaqësisë.

Nuk e prisnim këtë start.

Duam të vazhdojmë në këtë trajektore pozitive që kemi pasur në pesë garat e para. Arabia Saudite ishte një Çmimi i Madh më kërkues, por mësuam shumë prej tij. Kështu që shpresojmë për një rezultat më të mirë në Majami”, tha menaxheri austriak.

comment Për komente lëvizni më poshtë
Sot mund të lexoni Shfletoni kopertinat