Honda shfaq motorin e ri të Aston Martin

Formula 1

Honda shfaq motorin e ri të Aston Martin

Më: 21 janar 2026 Në ora: 19:21
Pamje

Nuk është aspak e zakonshme që një furnizues motorësh të organizojë festën e vet përpara nisjes së sezonit të Formula 1, me kampionatin që starton më 8 mars në Melburn.

Një veprim i tillë mund të tingëllojë pretencioz nëse gjërat nuk shkojnë sipas planit, aq më tepër kur prezantimi ndodh para hyrjes në fuqi të rregullores së re të vitit 2026, e frikshme dhe njëkohësisht e shumëpritur për Formulën 1.

Por Honda e ka shumë seriozisht. Partneriteti i saj me Aston Martin u kurorëzua me një prezantim plot optimizëm të “RA626H”, njësisë së fuqisë që do të përdorin Fernando Alonso dhe Lans Stroll në makinën “AMR26”. Mesazhi ishte i qartë: “Duam të jemi numri 1”. Në një event madhështor në Tokio nuk mungoi pothuajse askush. Të pranishëm ishin CEO i Aston Martin, Laurens Stroll, Andi Kouell në rolin e ri si shef strategjie, drejtuesit më të lartë të Hondës me presidentin Toshihiro Mibe në krye, si edhe krerët e Formula 1, përfshirë Stefano Domenikalin, CEO dhe president i kampionatit.

Ishte një ngjarje e veçantë, ku Honda shfrytëzoi rastin për të prezantuar edhe logon e saj të re, përkrah njësisë së fuqisë. Ana aerodinamike e projektit do të jetë përgjegjësi e Adrian Njueit, një tjetër shtyllë kyçe e ambicies së Aston Martin.

“RA626H” u prezantua si një motor i ndërtuar për të fituar. Në Aston Martin nuk kanë dilema.

“Jemi të përkushtuar për të ndjekur ekselencën.

Kjo do të thotë të fitojmë gara dhe kampionate”, deklaroi Laurens Stroll. 

comment Për komente lëvizni më poshtë
Sot mund të lexoni Shfletoni kopertinat