​I ekstraduar nga Shqipëria përballet me drejtësinë në Kosovë

Gjakovë

​I ekstraduar nga Shqipëria përballet me drejtësinë në Kosovë

Më: 16 janar 2026 Në ora: 20:04
Prokuroria Themelore në Gjakovë

Prokuroria Themelore në Gjakovë ka ngritur aktakuzë ndaj shtetasit të Republikës së Shqipërisë, N.Sh., për kultivim të 1,592 bimëve narkotike të llojit Kanabis Sativa në fshatin Panorc, Komuna Malishevë.

Sipas aktakuzës, i pandehuri, në bashkëpunim me dy persona të tjerë, ka mbjellë dhe kultivuar bimët narkotike në tri parcela, të identifikuara përmes vëzhgimit me dron, ku veprimet e të pandehurve janë dokumentuar me foto dhe video.

N.Sh. është arrestuar me urdhër ndërkombëtar dhe më pas ekstraduar nga Shqipëria në Kosovë, ku prej 2 dhjetorit 2025 ndodhet në paraburgim.

Prokuroria ka propozuar që ai të shpallet fajtor dhe të dënohet sipas ligjit për veprën penale “Kultivimi i bimëve narkotike” nga neni 272, par.1 lidhur me nenin 31 të KPRK-së.

comment Për komente lëvizni më poshtë
Sot mund të lexoni Shfletoni kopertinat