Ambasada në Berlin shënon 20-vjetorin e Çlirimit të Kosovës me qindra mysafirë të ftuar - Bota Sot
Ambasada në Berlin shënon 20-vjetorin e Çlirimit të Kosovës me qindra mysafirë të ftuar

Gjermania

Ambasada në Berlin shënon 20-vjetorin e Çlirimit të Kosovës me qindra mysafirë të ftuar

Më: 13 qershor 2019 Në ora: 07:39
Ambasada në Berlin shënon 20-vjetorin e Çlirimit të Kosovës

Nën organizimin e Ambasadës së Republikës së Kosovës në Gjermani, mbrëmë në Berlin, në hapësirat e Commerzank, ndërtesë kjo e cila është pranë Portës së Brandenburgut është shënuar 20 Vjetori i Çlirimit të Kosovës.

Të pranishëm në këtë manifestim ishin më shumë se 200 mysafirë- Ambasadorë të vendeve mike të Kosovës të akredituar në kryeqytetin e Gjermanisë, përfaqësues të Qeverisë së Gjermanisë nga Zyra e Kancelares Merkel, Ministria e Jashtme, ajo e Mbrojtjes dhe të Ministrive tjera. Të ftuar të veçantë në këtë mbrëmje ishin edhe Ambasadori i SHBA-ve në Gjermani Richard Grenell dhe ambasadorë të shteteve mike të akredituar në Berlin si dhe përfaqësues nga Qeveria e Gjermanisë.

Ambasadori i Kosovës në Gjermani Beqë Cufaj në fjalën e rastit pasi ka falenderuar për angazhimin gjerman para, gjatë dhe pas luftës ka thënë që Kosova nuk ka vend më mik në Europë sesa Gjermaninë dhe se për këtë tregon edhe vet prania e shtetasve të Kosovës në këtë vend.

Fjalë rasti në emër të Qeverisë së Gjermanisë ka mbajtur edhe Ambasadorja Bettina Cadenbach, shefe e çështjeve të Sigurisë në Ministrinë e Jashtme të Gjermanisë si dhe ish- Shefi i KFOR-it në Kosovë dhe aktualisht Komandanti i forcave të NATO-s për Europën Veriore, Erhard Bueheler.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...