Lutfi Haziri ngushëllon familjen Dermaku me rastin e ndarjes nga jeta të ish-Rektorit, Arben Dermaku

Gjilani

Lutfi Haziri ngushëllon familjen Dermaku me rastin e ndarjes nga jeta të ish-Rektorit, Arben Dermaku

Më: 13 janar 2021 Në ora: 16:00
Lutfi Haziri, Arben Dërmaku

Me rastin e ndarjes nga jeta të prof. dr. Arben Dërmaku, kryetari i Komunës së Gjilanit, Lutfi Haziri, i ka dërguar një telegram ngushëllimi familjes Dermaku.

Në telegram, thuhet:

“E nderuara familje Dërmaku,

Me pikëllim të thellë e mora lajmin për ndarjen e parakohshme nga jeta të intelektualit të shquar e profesorit universitar, Arben Dërmaku.

Prof. Dr. Arben Dërmakun do ta kujtojmë përgjithmonë për kontributin e jashtëzakonshëm në fushën akademike, në veçanti, për kontributin në themelimin e Universitetit Publik “Kadri Zeka”, duke qenë rektori i parë i këtij institucioni të krenarisë.

Familje e nderuar Dermaku, pranoni ngushëllimet e mia më të sinqerta. Ngushëllime edhe kolegëve profesorë të Universitetit “Kadri Zeka” dhe Universitetit “Hasan Prishtina”, studentëve, miqve e farefisit.

Lamtumirë, miku im!”, thuhet në telegramin e kryetarit Haziri.

Shfaq komentet
comments powered by Disqus
Sot mund të lexoni Shfletoni kopertinat