​Gjilani rekomandon lirimin e qytetarëve nga tatimi në pronë deri në vlerën 100 euro

Gjilani

​Gjilani rekomandon lirimin e qytetarëve nga tatimi në pronë deri në vlerën 100 euro

Më: 3 shkurt 2023 Në ora: 15:06
Kuvendi Komunal i Gjilanit

Kuvendi Komunal i Gjilanit, në një seancë të jashtëzakonshme, i ka kërkuar Ministrisë së Financave, përkatësisht Departamentit të Tatimit në Pronë që t`i lirojë të gjithë tatimpaguesit e kësaj komune nga pagesa e tatimit në pronën e paluajtshme në vlerën prej 100 euro për vitin 2023.

Në komunikatën për media bëhet e ditur se ky rekomandim i grupit të këshilltarëve të LVV, është mbështetur nga Kuvendi me 27 vota për, një kundër dhe një abstenim.

Edhe kryetari i Komunës, Alban Hyseni i ka inkurajuar këshilltarët komunalë që ta mbështesin propozimin, duke thënë se komunat nuk do të dëmtohen, pasi pret që qeveria t`ua rimbursojë këtë shumë.

Bëhet e ditur se opozita edhe pse e ka mbështetur me votë rekomandimin, ka thënë se do të bëjë përpjekje shtesë për t`i shtyrë përpara edhe propozimet e saj për pezullimin e rivlerësimit të pronave, faturimin e tatimit sipas vlerës së vitit 2022, përkatësisht që qeveria t`i subvencionojë nga buxheti qendror faturat deri në shumën 100 euro, që mbledhja e tatimit në pronë të fillojë nga janari i vitit 2024, kurse afati për pagesën e ratës së parë për sivjet, të shtyhet deri më 30 qershor. 

commentFirst article
Sot mund të lexoni Shfletoni kopertinat