Bashkëdrejtuesi i Ekipit Negociator, Shpend Ahmeti, ka konfirmuar se më 8 janar janë të ftuar për një takim në Bruksel.
Në këtë takim nuk do të marrë pjesë edhe Presidenti i vendit, Hashim Thaçi.
“Thaçin nuk e kam shef. Është president i shteti i zgjedhur nga Kuvendi. Unë nuk e kam votuar. Për dialogun duhet ta kemi një zë të përbashkët. Më 8 janar jemi ftuar si delegacion shtetëror, Thaçi nuk është pjesë e delegacionit shtetëror. Kundërshtimet tona mund t’i kemi të plota, por për dialogun duhet të bëhemi bashkë”, ka thënë Ahmeti në konferencë.
Sa për idenë e bashkimit të Luginës së Preshevës me Kosovën, Ahmeti ka shtuar: “Delegacioni ka rezolutë që ia përcakton se cili është mandati i këtij delegacioni. Ne jemi përfaqësues të Republikës së Kosovës që ka Kushtetutë dhe s’mund të dalim përtej kësaj. Kushtetutën e kemi udhërrëfyes”.
