Ministri i tregtisë dhe industrisë, Endrit Shala ka urdhëruar Agjencionin e Metrologjisë si dhe Inspektoratin e Tregut që të dalin në terren dhe të mbikëqyrin peshën e bukës në qytetin e Prizrenit, pasi dyshohet se ka mashtrime me peshën e bukës.
Shala shkruan në Facebook se çdo kush që tenton të mashtrojë konsumatorin, do të përballet me ligjin, transmeton “Bota sot”.
Postimi i plotë:
Të nderuar qytetarë
Në vazhdën e aktivitetit të Ministrisë së Tregtisë dhe Industrisë në mbrojtje të konsumatorit unë sot kam urdhëruar Agjencionin e Metrologjisë si dhe Inspektoratin e Tregut që të dalin në terren dhe të mbikëqyrin peshën e bukës në qytetin e Prizrenit. Ne do të vazhdojmë që të jemi në krye të detyrës në secilin rast që raportohet në MTI. Do të mbikëqyrim secilën peshë dhe kontrollojmë secilin produkt aty ku ligji na e mundëson dhe secila shoqëri tregtare që abuzon me ligjin apo tenton që ta mashtrojë konsumatorin do të ndëshkohet sipas ligjit në fuqi. E.Sh.