Prezantim i romanit “Eskadronët e vdekjes” dhe bashkëbisedim me autorin Bardhyl Mahmuti

Libra

Prezantim i romanit “Eskadronët e vdekjes” dhe bashkëbisedim me autorin Bardhyl Mahmuti

Më: 27 shkurt 2022 Në ora: 10:07
“Eskadronët e vdekjes” - Bardhyl Mahmuti

Qendra “Gjenocidi në Kosovë – Plagë e Hapur”, ka njoftuar se do të mbaj promovimin e romanit “Eskadronët e vdekjes” të autorit Bardhyl Mahmuti, i cili bazohet në ngjarje të vërteta lidhur me gjenocidin në Kosovë.

Promovimi i këtij romani do të bëhet më 6 mars, në ora 14:00, në Hotel Winkelried, Landstrasse 36, 5430 Wettingen (Zvicër).

Kjo qendër vitin e kaluar në ditën e përkujtimit të Gjenocidit në Kosovë, më 15 janar 2021, botoi romanin “Eskadronët e vdekjes”. Mirëpo për shkak të gjendjes së krijuar nga pandemia me coronavirus, nuk është bërë asnjë përurim i kësaj vepre me qëllim që të shmangnim çdo rrezik të përhapjes së COVID-19.

“Tani kur situata sanitare na mundëson organizimin e tubimeve, ju ftojmë të merrni pjesë në prezantimin e kësaj vepre, ku do të jetë i pranishëm edhe vetë autori.Prania juaj në këtë përurim dhe bashkëbisedimi rreth romanit e temës së gjenocidit që trajton kjo vepër letrare, do t’ia shtojë vlerën takimit tonë”, thuhet në njofitm.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat