Artistët që mund të bëjnë histori në “Grammy Awards”!

Muzikë

Artistët që mund të bëjnë histori në “Grammy Awards”!

Më: 3 prill 2022 Në ora: 06:53
Ilustrim

Pas një vonese prej më shumë se dy muajsh të shkaktuar nga një pandemi e paparashikueshme, çmimet “Grammy” rikthehen të dielën me një mori momentesh të mundshme historike.

Sipas “CNN” këta janë pesë të nominuarit – disa emra të njohur, ndërsa disa emra të tjerë janë të rinj – në prag të të bërit histori.

1.Kanye West

Reperi i njohur Kanye West mund të jetë i padëshiruar këtë vit si interpretues i mbrëmjes “Grammy Awards”, por ai do të zërë një vend në histori nëse tejkalon 23 fitoret e reperit Jay-Z – i cili ka deri më tash më së shumti trofe si një artist i zhanrit hip hop. Ye ka 22 çmime “Grammy” dhe është nominuar për pesë të tjera, duke përfshirë një nga çmimet kryesore, ‘Albumi i vitit’ për albumin e tij “Donda”.

2.BTS

Grupi i djemve BTS bëri histori vitin e kaluar si yjet e parë koreanë të muzikës pop që fituan një nominim për “Grammy” në kategorinë “Performanca më e mirë e një duo/grupi të zhanrit pop”. Nëse albumi i tyre “Butter” fiton në atë kategori këtë vit, ata do të jenë grupi i parë i zhanrit K-pop që fitojnë një “Grammy”.

3.Olivia Rodrigo

Olivia Rodrigo është nominuar për shtatë çmime për albumin e saj debutues, “Sour”, duke përfshirë kategoritë e rëndësishme si: “Artistja e re më e mirë”, “Albumi i vitit”, “Kënga më e mirë e vitit” dhe “Incizimi muzikor më i mirë i vitit” – dy të fundit për baladën e saj mbresëlënëse “Drivers license”.

Nëse ajo i merr të gjitha ato çmime, Rodrigo, 19 vjeçe, mund të bëhet artistja e dytë më e re që do të shpërblehet në katër kategoritë kryesore të “Grammy Awards”.

4.Tony Bennett

Tony Bennett fitoi për herë të parë çmimin ‘Albumi i vitit’ për “I Left My Heart In San Francisco” në ceremoninë e pestë vjetore të “Grammy Awards”. Kjo ishte në vitin 1963, dhe ai është ende duke marrë një “Grammy” disa dekada më vonë.

Bennett ka pesë nominime këtë vit për bashkëpunimin e tij me Lady Gaga, duke përfshirë kategoritë kryesore “Albumi i vitit” dhe “Incizimi muzikor i vitit”. Dyshja janë nominuar për ‘cover’-in e tyre të Cole Porter me titull “I Get a Kick Out of You”, një këngë e shkruar rreth 88 vjet më parë.

Në moshën 95-vjeçare, Bennett është personi më i vjetër që ka nxjerrë ndonjëherë një album me materiale të reja – me disa nga sukseset e tij më të mëdha që kanë ndodhur në dekadën e fundit.

5.Jon Batiste

Këngëtari Jon Batiste kryeson listën e të gjithë artistëve të nominuar këtë vit me 11 nominime për “Grammy” në zhanre të ndryshme, duke përfshirë kategoritë kryesore: “Incizimi muzikor i vitit”, “Albumi i vitit” si dhe çmimet “Interpretimi më i mirë solo i zhanrit jazz” dhe “Albumi më i mirë i zhanrit R&B”.

Nëse Batiste merr në shtëpi të paktën nëntë çmime të dielën, ai do të shënojë një tjetër moment historik: duke ia kaluar Michael Jackson dhe Santana si artistët që kanë fituar më së shumti çmime “Grammy” në një vit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat