Kurti shfaqet në publik pas hospitalizimit - Bota Sot
Kurti shfaqet në publik pas hospitalizimit

Prizreni

Kurti shfaqet në publik pas hospitalizimit

Më: 16 mars 2019 Në ora: 14:46
Albin Kurti

Kryetari i Lëvizjes “Vetëvendosje”, Albin Kurti është shfaqur në publik, pas një infeksioni gripal që kishte ditë më parë.

Së bashku me kryetarin e komunës së Prizrenit, Mytaher Haskuka dhe disa deputetë të tjerë të LVV-së, Kurti ka marrë pjesë në Panairin e Bizneseve të Grave në qytetin historik të Kosovës.

“Sot me datë 16 mars, u hap Panairi i Bizneseve të Grave në Prizren, organizuar nën patronatin e kryetarit të komunës Mytaher Haskuka. Të shumtë ishin vizitorët që në ecjen e tyre provonin e blinin produkte vendore të prodhuara nga gratë dhe bizneset e tyre. Për vizitë në këtë ditë të ngrohtë marsi, në panair ishte edhe kryetari i Lëvizjes, Albin Kurti së bashku me kryetarin e Prizrenit Mytaher Haskuka, nënkryetarin e Kuvendit Komunal të Prizrenit Artan Abrashi, deputetët Drita Millaku e Arbër Rexhaj si dhe aktivistë nga Qendra e Lëvizjes VETËVENDOSJE! në Prizren”, thuhet në njoftimin e LVV-së.

Ndryshe, Kurti ishte shtrirë në QKUK, përkatësisht në klinikën infektive, për shkak të një infeksioni gripal. 

Image
Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...