Ariu shfaqet sërish në Prizren, dyshohet se mbyti 14 krerë dhi - Bota Sot
Ariu shfaqet sërish në Prizren, dyshohet se mbyti 14 krerë dhi

Prizreni

Ariu shfaqet sërish në Prizren, dyshohet se mbyti 14 krerë dhi

Më: 9 shtator 2019 Në ora: 19:14
Ariu

Ariu që po mbyste kafshë shtëpiake në fshatrat rreth Prizrenit, dyshohet se është shfaqur sërish.

Policia Rajonale e Prizrenit tregon se ariu është shfaqur që nga 5 shtatori dhe ka mbytur disa krerë dhi, në disa vende.

“Ariu është shfaqur sërish. Kemi dalë në vend të ngjarjes policia dhe nga ministria. Ai ka mbytur 14 krerë dhi, në disa vende. Është shfaqur me datë 5 shtator”, ka konfirmuar Shaban Osmanollaj.

Ariu në Prizren muaj më parë kishte hapur debat të madh në vend, pasi ishte lëshuar një vendim nga Agjencioni i Pyjeve që urdhëronte vrasjen e tij. Pas shumë thirrjeve që ai të mos mbytej, Ministria e Bujqësisë dha urdhër që ariu të mos mbytej.

Kjo pasi për të ishin ankuar shumë fshatarë në rrethinën e Prizrenit se kafsha e egër po ua vriste bagëtinë.

Forcat e Sigurisë ishin në kërkim të ariut, po kishin pasur sukses në gjetjen e tij.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...