“Nuk e kam besuar se është kaq i dobët”, Totaj flet për Haskukën

Prizreni

“Nuk e kam besuar se është kaq i dobët”, Totaj flet për Haskukën

Më: 11 nëntor 2021 Në ora: 22:35
Shaqir Totaj, Mytaher Haskuka

Kandidati për kryetar të Prizrenit nga radhët e PDK-së, Shaqir Totaj, ka thënë se kryetari aktual Mytaher Haskuka ka pasur performancë të dobët.

Haskuka ka katër vjet si kryetar i Prizrenit, ndërsa Totaj thotë se nuk e ka besuar para katër viteve se ai do të jetë kaq i dobët në performancën e tij.

“As vetë nuk e kam besuar se është kaq i dobët. Dhe as vetë nuk e kam besuar se do të ketë kaq performancë të dobët”, tha ai.

Tutje Totaj tha se janë tri pika të cilat e dallojnë një kryetar të mirë.

“Mendoj se kryetari i mirë dallohet në tri pika. Menaxhimi i mirë i resursve humane. Menaxhimi i mirë i financave si dhe transparenca në llogaridhënie. Të tria këto i kam profesion dhe ën të tria kam pasur shumë punë, përvojë dhe kam kualifikime akademike nga Universiteti i Uashingtonit dhe FMN në Uashington D.C.”, tha ai.

Haskuka dhe Totaj do të përballen në raundin e dytë për kryetar. Në raundin e parë Haskuka kishte 40.43% ndërsa Totaj kishte 31.10%.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat