Kurti: Në duart e Haskukës, Prizreni fisnikërohet edhe më shumë

Prizreni

Kurti: Në duart e Haskukës, Prizreni fisnikërohet edhe më shumë

Më: 12 nëntor 2021 Në ora: 23:35
Albin Kurti ka kërkuar që të përkrahet kandidati i kësaj partie për kryetar të Prizrenit Mytaher Haskuka

Kryetari i Vetëvendosjes Albin Kurti ka kërkuar që të përkrahet kandidati i kësaj partie për kryetar të Prizrenit Mytaher Haskuka.

Ai tha se ai punon pa u ndalur dhe me finesa të mëdha, sikurse një artizan gjatë punimit të një filigrani.

“Prizreni vetëm këtë lloj kujdesi e pranon. Për katër vite, shumë punë të mira ka bërë e shumë të tjera mbesin për t’u përkryer. Përveçse funksionalizoi çerdhen e parë publike për fëmijë dhe ndërtoi 4 të tjera, po ashtu ndërtoi e renovoi 20 objekte shkollore dhe po aq shëndetësore (përfshirë këtu 4 QMF). U dhanë 1.5 milionë euro subvencione për kulturë, rini e sport, 4 milionë për bujqësi, një milion për mirëqenie sociale, u ndërtuan 15 terrene sportive, 3 stadiume etj”.

Kurti ka shkruar se me Haskukën, Prizreni dhe Tetova do të afrohen edhe më shumë nëpërmjet rrugës së re që do t’i lidhë.

“Sikurse përvoja e tij e punës që ka qenë shumë e pasur, edhe sfidat e Mytaherit kanë qenë të shpeshta. Me maturi i ka kaluar një nga një. Duke iu hapur rrugë zgjidhjeve e ka nisur këtë fushatë dhe rezultati nuk do të jetë tjetër, pos bukuri e zhvillim për këtë qytet që është vlerë për të gjithë shqiptarët dhe të gjithë qytetarët”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat