Në Ditën Ndërkombëtare të Librit, Stacioni i Autobusëve në Prizren ka shprehur mirënjohje për Bibliotekën e Qytetit të Prizrenit për bashkëpunimin dhe ndihmën e dhënë në krijimin e një këndi të leximit në pritoren e udhëtarëve.
“Me rastin e Ditës Ndërkombëtare të Librit, Stacioni i Autobusëve Prizren shpreh mirënjohje të veçantë për Bibliotekën e Qytetit të Prizrenit , dhe posaçërisht për drejtoreshën znj. Sahadete Kukaj, për bashkëpunimin dhe ndihmën e dhënë në krijimin e një këndi të leximit në pritoren e udhëtarëve të stacionit tonë.
Ky kënd leximi është një hap domethënës në përhapjen e kulturës së leximit dhe në krijimin e një ambienti më të pasur për qytetarët e udhëtarët tanë.
Jemi thellësisht falënderues për këtë bashkëpunim dhe përkushtim ndaj dijes e kulturës", thuhet në njoftimin e Stacionit të Autobusëve.
Duke uruar Ditën e Librit, Stacioni i Autobusëve ka vlerësuar përkushtimin ndaj dijes e kulturës.
