Është mbajtur takimi i parë i grupit punues për projektin rrugor Tetovë–Prizren.
Kjo një iniciativë strategjike me rëndësi të veçantë për ndërlidhjen infrastrukturore mes Maqedonisë së Veriut dhe Kosovës.
Përmes një njoftimi për media bëhet e ditur se gjatë takimit u diskutuan hapat konkretë për realizimin e projektit, përfshirë definimin e fazave të ardhshme të punës dhe koordinimin ndërinstitucional të nevojshëm për të përshpejtuar procesin.
Pjesëmarrësit e takimit u dakorduan për nevojën e përshpejtimit të të gjitha procedurave burokratike dhe administrative, në mënyrë që puna konkrete të fillojë sa më shpejt, ka kumtuar përmes një njoftimi me shkrim zëvendësministrja e Transportit të Maqedonisë së Veriut, Kaltrina Zekolli-Shaqiri.
