Gratë shtatzëna të vaksinuara kundër Covid-19 janë të mbrojtura së bashku me foshnjet e tyre , sipas një studimi të ri në Izrael.
Sipas hulumtimit të kryer në shkurt, antitrupat u gjetën në të 20 gratë e vaksinuara të dyja dozat e Pfizerit gjatë tremujorit të tyre të tretë të shtatzënisë dhe tek të porsalindurit e tyre, përmes transferimit të placentës, shkruan The Guardian.
“Gjetjet tona theksojnë se vaksinimi i grave shtatzëna mund të sigurojë mbrojtje amtare dhe neonatale nga infeksioni SARS-CoV-2″, tha studimi.
Një nga studiuesit, Dana Ëolf, është shprehur se tashmë grupi tani do të fillojë të shikojë se sa kohë do të zgjasin antitrupat e shkaktuar nga vaksinat tek foshnjat.
Pfizer Inc dhe BioNTech thanë muajin e kaluar ata kishin filluar një studim ndërkombëtar me 4,000 vullnetarë për të vlerësuar sigurinë dhe efektivitetin e vaksinës së tyre Covid në gratë shtatzëna të shëndetshme.
Prova do të vlerësojë gjithashtu nëse gratë shtatzëna të vaksinuara transferojnë antitrupa mbrojtës tek foshnjat e tyre.
