Xiaomi prezanton dy telefonëve buxhetorë me teknologjinë 5G

Shkencë & Teknologji

Xiaomi prezanton dy telefonëve buxhetorë me teknologjinë 5G

Më: 27 nëntor 2020 Në ora: 16:32
Xiaomi

Linja e smartfonëve Xiaomi Redmi Note është padyshim një prej më të suksesshmeve dhe vazhdimisht ofron produkte të cilat e justifikojnë mësë miri çmimin.

Kompania ditën e sotme prezantoi telefonët e parë Redmi Note me teknologjinë celulare 5G, konkretisht modelet Redmi Note 9 dhe Note 9 Pro.

Telefonët nuk duhet të ngatërrohen me variantet 4G që kompania debutoi në fillim të vitit dhe teknologjia celulare është vetëm një prej diferencave mes tyre.

Redmi Note 9 Pro vjen me procesorin Snapdragon 750G, 6 ose 8GB RAM dhe 128 ose 256GB memorie UFS 2.2. Xiaomi premton ftohje të lëngshme për këto modele.

Gjithashtu nëse blini një të tillë do të merrni ekran 6.67-inç 120Hz LCD dhe bateri prej 4,820 mAh. Karikimi 33W dërgon baterinë nga 0-100% në 58 minuta.

Detaji që bënë diferencën është kamera e re 108-megapiksel, e njëjta që përdor Samsung. Fotot e shkrepura reduktohen në 12-megapiksel por mund të realizoni edhe në rezolucionin e plotë.

Image

Pjesa tjetër e kamerave të pasme konsiston një sensor 8-megapiksel ultra-wide, dhe dy sensorë 2-megapiksel thellësie dhe macro.

Së fundi Redmi Note 9 Pro ka 5G, portë kufjesh 3.5mm, certifikim IP53, altoparlantë stereo, NFC dhe skaner të shenjave të gishtërinjve nën ekran.

Modeli Note 9 5G është një hap poshtë variantit Pro. Procesori është Dimensity 800U me 6 ose 8GB RAM dhe 128 ose 256GB memorie.

Ekrani i tij është 6.53-inç FHD+ LCD, bateria 5,000 mAh dhe karikimi 18W. Kamera e pasme kryesore është 48-megapiksel, ultra wide 8-megapiksel dhe një macro.

Image
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat