Hyundai Motors do të blejë Boston Dynamics sipas raporteve që vinë nga mediat Koreane. Publikimi thotë se Softbank është dakordësuar për të shitur krijuesin e robotëve për 917 miliardë dollarë.
Kompanitë më herë kanë qenë në bisedime për një marrëveshje që prej Nëntorit sipas një raporti të Bloomberg. Boston Dynamics njihet për krijimin e qenit robotik Spot të cilin filloi ta shiste për 75 mijë dollarë në mesin e këtij viti.
Roboti me katër këmbë mund të ngjisë shkallët por edhe të ruajë një kope delesh. Boston Dynamics është një kompani e shkëputur nga Instituti i Teknologjisë Masaçusets dhe blerë nga Google në 2013.
Në 2017-ën motori i kërkimi e shiti tek Softbank. Sakaq Hyundai Motor ka investuar shumë vitet e fundit në robotikë dhe premtuar të rrisë këto investime në 1.4 miliardë dollarë deri në 2025. Kryesisht kompania ka qenë e fokusuar në prodhimin e robotëve për fabrika.
