Lëshohet nga Koreja e Jugut raketa e parë hapësinore “prodhim vendor”

Shkencë & Teknologji

Lëshohet nga Koreja e Jugut raketa e parë hapësinore “prodhim vendor”

Më: 21 tetor 2021 Në ora: 16:24
Foto ilustrim

Koreja e Jugut të enjten kreu testin e saj të parë ndonjëherë të një rakete hapësinore të prodhuar në vend.

Sipas mediave të huaja,  raketa u ngrit në orën 5 pasdite nga Qendra Hapësinore Naro pranë qytetit bregdetar jugor të Goheung.

Stacionet televizive të Koresë së Jugut transmetuan lansimin drejtpërdrejt.

Raketa 200 tonëshe e tipit KSLV-II është mjeti i parë i tillë i zhvilluar dhe ndërtuar tërësisht në Korenë e Jugut, por nuk performoi aq mirë sa pritej.

Presidenti Moon Jae In, i cili shikoi lëshimin në qendrën hapësinore, tha më pas se megjithëse raketa kishte përfunduar të gjitha sekuencat e fluturimit, “ne nuk e arritëm plotësisht qëllimin tonë”.

Raketa nuk arriti të vinte në orbitë një “satelit fals”, tha ai.

Kështu, siç është bërë e ditur më tej, një test tjetër është planifikuar për 19 maj të vitit të ardhshëm.

Qeveria në Seul planifikon të lëshojë satelitë komunikimi dhe sonda hënore, ndër të tjera, si pjesë e programit të saj hapësinor në vitet e ardhshme.

Fillimi i raketës ishte planifikuar fillimisht një orë më parë, por sipas Ministrisë së Shkencës, kishte vonesa në inspektimin e valvulave të raketës. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat