SpaceX ka nisur katër astronautë në Stacionin Ndërkombëtar të Hapësirës.
Spektatorët në “Space View Park në Titusville”, brohoritën ndërsa raketa Falcon u nis gjatë natës nga Qendra Hapësinore Kennedy e NASA-s në Florida.
Fluturimi vjen vetëm dy ditë pasi SpaceX solli katër astronautë të tjerë në shtëpi dhe rrit numrin e njerëzve që kanë arritur hapësirën mbi 600, raporton AP.
Tre amerikanët dhe një gjerman duhet të arrijnë në stacionin hapësinor në më pak se 24 orë.
Kjo është nisja e katërt e ekuipazhit të SpaceX për NASA-n në vitin e fundit dhe fluturimi i pestë i pasagjerëve të kompanisë në përgjithësi.
Ekuipazhi i ri do të bashkohet me një amerikan dhe dy rusë në stacionin hapësinor.
