​53 vjet më parë njeriu zbriti në Hënë

Shkencë & Teknologji

​53 vjet më parë njeriu zbriti në Hënë

Më: 20 korrik 2022 Në ora: 07:11
Foto ilustrim

Sot mbushen 53 vjet që kur misioni Apollo 11 i NASA-s zbarkoi astronautët e parë amerikanë në Hënë.

Që kur BRSS ishte bërë vendi i parë që vendosi një njeri në hapësirë, SHBA-ja donte ta kalonte rivalin e saj më të madh në çështje të hapësirës.

Misioni Apollo 11 u komandua nga Neil Armstrong, me pilotë Edwin Aldrin dhe Michael Collins.

Armstrong dhe Aldrin zbarkuan në Hënë, të sigurt brenda modulit hënor Eagle. Modulet hapësinore u transportuan deri në hapësirë me ndihmën e raketës Saturn V - një raketë me tri faza.

Sipas NASA-s, kur Armstrong bëri modulin hënor të ulet në sipërfaqen e Hënës, atyre u mbetën karburant për vetëm 30 sekonda. Ai më pas dërgoi mesazhin në radio: "Houston, Tranquility Base këtu. Eagle (Shqiponja) ka zbritur."

Atyre iu deshën tri ditë pas nisjes nga Toka për të futur anijen e tyre kozmike në orbitën hënore.

Sipas NASA-s, kishte mbi gjysmë miliard njerëz që shikonin uljen e Hënës në TV. Armstrong ishte i pari që zbriti në sipërfaqen e Hënës, pas së cilës tha: "Ky është një hap i vogël për një njeri, por i madh për njerëzimin".

Armstrong dhe Aldrin kaluan rreth dy orë e gjysmë në satelit, duke bërë fotografi dhe duke marrë mostra.

Përpara se të bashkoheshin me Collins, i cili kontrollonte modulin kryesor, ata lanë mbrapa flamurin e SHBA-së dhe një pllakë ku shkruhej: "Këtu njerëz nga planeti Tokë shkelën për herë të parë në Hënë, korrik 1969. Ne erdhëm në paqe për të gjithë njerëzimin."

Ekuipazhi u kthye në Tokë më 24 korrik, duke u ulur në Oqeanin Paqësor, pas së cilës ata u morën nga USS Hornet.

commentFirst article
Sot mund të lexoni Shfletoni kopertinat