Frikë në hapësirë, kozmonauti rus ndërpret shëtitjen pas problemit me kostumin

Shkencë & Teknologji

Frikë në hapësirë, kozmonauti rus ndërpret shëtitjen pas problemit me kostumin

Më: 18 gusht 2022 Në ora: 15:15
Foto ilustrim

Një inspektim hapësinor nga dy kozmonautë rusë të mërkurën përfundoi papritur për shkak të një problemi me baterinë në kostumin e Oleg Artemyev, megjithëse në asnjë moment ai nuk ishte në ndonjë rrezik, thanë agjencitë hapësinore amerikane dhe ruse. 

“Oleg, duhet të kthehesh në bllokun e ajrit sa më shpejt të jetë e mundur,” urdhëruan kontrollorët e misionit rus me bazë në Tokë, më shumë se dy orë pas udhëtimit të tij jashtë Stacionit Ndërkombëtar të Hapësirës (ISS).

“Lini gjithçka dhe kthehuni”, iu tha disa herë, kozmonautëve nga baza.

Urdhrat erdhën menjëherë pasi Artemyev raportoi lexime jonormale të tensionit për baterinë e kostumit të tij hapësinor.

“Ju lutemi mos u shqetësoni, gjithçka është në rregull. Jeni në rregull”, thanë kontrollorët.

“Nuk jam i shqetësuar,” u përgjigj 51-vjeçari Artemyev, thirrjeve nga baza.

Artemyev u kthye më pas në blloqet ajrore ku u rilidh me sukses me energjinë kryesore të ISS.

Ecja në hapësirë ​​u deklarua e përfunduar pas rreth katër orësh.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat