A ja ka lënë hapur derën “kampionit” Saimir Tahiri? Si përgjigjet Edi Rama - Bota Sot
A ja ka lënë hapur derën “kampionit” Saimir Tahiri? Si përgjigjet Edi Rama

Shqipëria

A ja ka lënë hapur derën “kampionit” Saimir Tahiri? Si përgjigjet Edi Rama

Më: 31 dhjetor 2018 Në ora: 15:00
Edi Rama dhe Saimir Tahiri

Këtë 31 dhjetor, kryeministri ka zhvilluar një bashkëbisedim me gazetarët, dhe ashtu si herët e tjera pyetja për ish Ministrin “kampion” ka dalë sërish në sipërfaqe.

Rama është pyetur nëse dera e Partisë Socialiste është ende e hapur për Saimir Tahirin, nëse ky i fundit do të shpallet i pafajshëm nga gjykata.

Kreu i qeverisë është shprehur se fillimisht të gjithë duhet t’i kërkojnë falje për akuzat dhe llumin e hedhur ndaj tij dhe se derisa drejtësia të flasë për të, dera e PS është e mbyllur.

“Kërkojini falje si fillim për çfarë i bëtë, bazuar tek thashethemet e dy përfaqësuesve të llumit, që jua dhanë juve si fakte dhe ju mbushët dynjanë dhe madje arritët në pikën që na akuzuat pse nuk e çuam në burg. Kërkojini falje jo se e them unë, por sepse Prokuroria e Katanias i shkoi deri në fund hetimeve dhe nxori që gjithçka ishte kazan dhe për atë kazan ju kërkuat llogari përse ne nuk i hoqëm imunitetin që e mbron deputetin nga burgu. Prokuroria ta çojë deri në fund hetimin, deri sa drejtësia nuk ka thënë fjalën e fundit, Saimir Tahiri nuk është pjesë në PS”, tha Rama gjatë bashkëbisedimit të fundvitit me gazetarët.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...