BE: Dorëzimi i mandateve minon progresin e Shqipërisë - Bota Sot
BE: Dorëzimi i mandateve minon progresin e Shqipërisë

Shqipëria

BE: Dorëzimi i mandateve minon progresin e Shqipërisë

Më: 22 shkurt 2019 Në ora: 13:00
Frederica Mogherini

“Vendimi i opozitës për heqjen dorë nga mandatet e tyre pengon seriozisht funksionimin e demokracisë në Shqipëri”: deklarata u bë sot nga Përfaqësuesja e Lartë e Bashkimit Europian Federica Mogherini dhe Komisioneri për Zgjerimin Johannes Hahn. “Duke pasur parasysh protestat në Shqipëri sot, ne riafirmojmë të drejtën e qytetarëve për t'u angazhuar në demonstrata paqësore si një tipar thelbësor dhe një vlerë thelbësore e demokracisë, por ne fuqimisht denoncojmë çdo retorikë nga udhëheqësit politikë që bëjnë thirrje për dhunë”, thuhet në deklaratën e përbashkët të zonjës Mogherini dhe Komisionerit Hahn.

Përfaqësuesit e BE-së theksojnë gjithashtu se “parlamenti është vendi ku reformat dhe zhvillimet përkatëse duhet të diskutohen dhe të çohen përpara, e jo të bojkotohen. Këto vendime dhe akte janë kundërproduktive, shkojnë kundër zgjedhjes demokratike të shtetasve shqiptarë dhe minojnë progresin që vendi ka bërë në rrugën e Bashkimit Evropian”, nënvizon deklarata ndërsa shton se “Bashkimi Evropian pret që të gjithë anëtarët e Parlamentit shqiptar të mbrojnë idealet dhe parimet e demokracisë, të vazhdojnë të shërbejnë në Kuvend dhe të marrin të gjitha masat e nevojshme për të shmangur aktet e dhunshme dhe deklaratat nxitëse”.

Deklarata e përbashkët mbyllet me thirrjen që “qeveria dhe opozita të angazhohen në diskutime konstruktive me qëllim tejkalimin e situatës aktuale politike në të mirë të Shqipërisë dhe qytetarëve të saj”

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...