Partia Demokratike nxjerr një video me anë të së cilës thotë se mbi 100 policë me skafandra, nën drejtimin e drejtorit të policisë, Albert Nushi, “që mbante me lekë dëshmitarin e rremë Alfred Alizoti” rrethonin Edi Ramën sot në Elbasan.
“Paniku dhe dhuna ndaj protestuesve që lëshonin thirrjen “Rama ik” nuk e shpëtojnë dot kryeministrin ilegjitim të votave të blera me krimin”, thotë PD, teksa më poshtë mund të shihni momentin e hyrjes së Kryeministrit në Elbasan.
Kjo pasi teksa kreu i qeverisë ndodhet në Elbasan, mbështetës të Partisë Demokratike bashkë me ish-deputetë demokratë bllokuan rrugën.
Gjatë këtyre momenteve pati edhe përplasje fizike dhe tensione.