Kryetari i degës së Partisë Demokratike Lushnjë, Saimir Korreshi, me një shkresë zyrtare drejtuar kryetarit të KZAZ-së së Lushnjës si dhe kryetarit të Bashkisë së Lushnjës, kërkon lirimin e ambienteve publike.
Kjo shkrese sipas tij vjen pas nxjerrjes së dekretit të Presidentit të Republikës për shfuqizimin e datës së zgjedhjeve për pushtetin vendor dhe kthimin e tyre në funksion normal publik, pasi s’ka asnjë bazë ligjore që ato të mbahen të zëna. Në letrën e drejtuar KZAZ-së Lushnjë, thuhet se zgjedhjet e 30 qershorit janë anuluar dhe ende nuk ka një datë tjetër.
