Beteja për Kopshtin Botanik, Koni: Kalimi në pronësi të bashkisë i papranueshëm dhe arbitrar - Bota Sot
Beteja për Kopshtin Botanik, Koni: Kalimi në pronësi të bashkisë i papranueshëm dhe arbitrar

Shqipëria

Beteja për Kopshtin Botanik, Koni: Kalimi në pronësi të bashkisë i papranueshëm dhe arbitrar

Më: 19 shtator 2019 Në ora: 17:51
Mynyr Koni

Heqja e Kopshtit Botanik nga asetet e Universitetit te Bashkia konsiderohet vendim i padrejtë prej rektorit, Mynyr Koni. Për Ora News ai thekson se nuk do të lejojë cënimin e autonomisë dhe se do të ndjekë të gjithë hapat.

Rektori i Universitetit të Tiranës, Mynyr Koni, e konsideron arbitrar dhe të padrejtë vendimin e qeverisë për kalimin e Kopshtit Botanik në varësi të bashkisë së Tiranës.

Për Ora News ai shprehet se ky vendim cënon rëndë autonominë dhe lirinë akademike, si dhe bie ndesh me ligjin e arsimit të lartë.

Koni: Kemi një situatë që ky mjedis ka kaluar në pronë të pushtetit lokal. Në këto kushte kur VKM parashikon ndërtimin e një marrëveshje, por në momente të caktuara i bie që misioni mësimor dhe kërkimor të zhvillohet në një mjedis që nuk është në përgjegjësi të Universitetit të Tiranës. Është cënim i rëndë i autonomisë së institucionit të arsimit të lartë, cënim i Kushtetutës. Minimalisht duhet një bashkëbisedim paraprak midis institucionit të propozuar që është Ministria e Arsimit në lëvizjen apo ndryshimin e një prone.

Koni shprehet i vendosur për të ndërmarrë të gjitha hapat për anulimin e kësaj VKM-je në mbrojtje të Kopshtit Botanik, si aset kombëtar kërkimor dhe mësimor, ndërsa thotë se ka ngritur dhe një padi në gjykatë.

Koni: I jam drejtuar Ministrisë së Arsimit që ka propozuar aktin për daljen e kësaj VKM-je për të cilën ne nuk kemi asnjë lloj reagimi nga Ministrja e Arsimit. Në këto kushte, drejtoria ligjore ka bërë padi në Gjykatën Administrative të Apelit dhe jemi në pritje të saj. Unë si rektor i Universitetit dhe të gjithë autoritetet përkatëse jemi në pritje të vendimit për këtë VKM.

Më herët nga bashkia e Tiranës është bërë e ditur se Kopshti Botanik do të duhet të bashkohet me atë Zoologjik për të krijuar një hapësirë më të madhe.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...