Tensione në spitalin “Shefqet Ndroqi”/ Familjarët e të infektuarve bëjnë sherr me rojen, ndërhyn policia

Shqipëria

Tensione në spitalin “Shefqet Ndroqi”/ Familjarët e të infektuarve bëjnë sherr me rojen, ndërhyn policia

Më: 12 gusht 2020 Në ora: 13:46
Foto nga vendi i ngjarjes

Tensione në spitalin “Shefqet Ndroqi” në Tiranë. Mësohet se disa të afërm të pacientëve janë përplasur me rojen e këtij spitali, pasi kanë tentuar të futen në këtë godinë. Menjëherë për qetësimin e situatës kanë ndërhyrë forcat e Policisë.

Ndërkohë, familjarët kanë deklaruar për mediet se mjekët nuk u japin asnjë informacion për gjendjen në të cilën ndodhen të afërmit e tyre.

“Nuk kemi asnjë informacion për prindërit. Kam nënën dhe babain të shtruar dhe nuk dimë asgjë për gjendjen e tyre.”, shprehet një qytetare, e cila ka tentuar të futet në godinë.

Në total në spitalin “Shefqet Ndroqi” ndodhen 13 pacientë  nga të cilët 7 persona janë në intubim. Sakaq, në këtë spital ka edhe me dhjetëra pacientë, të cilët nuk u është marrë tamponi, por nga skaneri që kanë bërë në mushkëri dyshohet se janë të infektuar.

Në Shqipëri rëndohet çdo ditë bilanci i COVID-19. Ditën e djeshme ministria e Shëndetësisë se deri më tani në Shqipëri janë shënuar 205 viktima. Aktualisht janë 2991 persona të infektuar dhe 3480 pacientë të shëruar.

Shfaq komentet
comments powered by Disqus
Sot mund të lexoni Shfletoni kopertinat