Në konferencën e përbashkët me Ministrin e Jashtëm grek Nikos Dendias, kryeministri Edi Rama njoftoi se së shpejti do të ketë një mbledhje të përbashkët mes qeverisë së Shqipërisë dhe asaj të Greqisë, në fokus të së cilës do të jenë adresimi i problemeve të qytetarëve në të dy anët e kufirit.
Rama: Kemi rënë dakord të fillojmë punën për të organizuar një mbledhje të përbashkët të dy qeverive për tu marrë me çështjet që kanë rëndësi për njerëzit e zakonshëm dhe për fëmijët tanë në Shqipëri dhe Greqi. Çështjet e patriotizmit nacional-folklorik nuk janë çështje të dy qeverive tona.
