‘Thyhet’ termometri/ Temperaturat arrijnë 41 gradë, mësoni si parashikohet të jetë moti sot

Shqipëria

‘Thyhet’ termometri/ Temperaturat arrijnë 41 gradë, mësoni si parashikohet të jetë moti sot

Më: 7 gusht 2022 Në ora: 09:01
Foto ilustrim

Shqipëria gjatë paradites paraqitet në dominimin e kthjellimeve, por herë pas here do të ketë kalime të pakta të vranësirave në zonat malore. Sipas MeteoAlb, në pjesën e dytë të ditës vranësirat të bëhen më të dukshme në vend, ku në zonat malore Verilindore dhe Juglindore do të mund të sjellin momente të pakta me reshje shiu.

Temperaturat e ajrit do të ulen lehtë në mëngjes, por do të rriten në mesditë duke luhatur vlerat ditore nga 17°C deri në 41°C.

Era do të fryjë mesatarisht me shpejtësi 40 km/h nga drejtimi Veriperëndimor duke krijuar në brigjet detare dallgëzim mbi 3 ballë.

Kosova

Republika e Kosovës në orët e para të ditës do të jetë në dominimin e kthjellimeve dhe kalimeve të lehta të vranësirave. Ndërsa mesdita dhe orët vijuese sjellin shtim gradual të vranësirave në të gjithë territorin duke krijuar mundësi për reshje të pakta dhe të izoluara shiu.

Maqedonia e Veriut

Territori i Maqedonisë së Veriut deri në orët e mesditës do të jetë në dominim e kushteve të qëndrueshme atmosferike, duke sjell alternime kthjellimesh dhe vranësirash të lehta. Por pas mesdite parashikohet shtim i vranësirave, ku  herë pas here do të pësojnë zhvillime të përkohshme duke gjeneruar reshje të pakta dhe jo në të gjithë vendin.

Rajoni dhe Evropa

Evropa Lindore do të jetë në ndikimin e vranësirave të shumta dhe rrebesheve të shiut. Po ashtu pjesërisht rajoni i Ballkanit dhe Qendra e kontinentit do të jenë me kalime të shpeshta të vranësirave të cilat herë pas here do të sjellin rrebeshe shiu. Ndërsa pjesa tjetër e Evropës do të jetë në mbizotërimin e kushteve të qëndrueshme atmosferike.

commentFirst article
Sot mund të lexoni Shfletoni kopertinat