Pjesëtar i organizatës kriminale së trafikut të drogës në Itali, kapet në Lezhë i shumëkërkuari

Shqipëria

Pjesëtar i organizatës kriminale së trafikut të drogës në Itali, kapet në Lezhë i shumëkërkuari

Më: 2 tetor 2022 Në ora: 12:18
Foto ilustrim

Policia e Lezhës në bashkëpunim me Interpol Tirana ka finalizuar operacionin policor të koduar “Torino” pasi ka vënë në pranga një 38-vjeçar shqiptar, pjesëtar i një organizate kriminale në fushën e narkotikëve në kërkim ndërkombëtar.

Gjykata e Torinos në Itali kishte caktuar masën arrest me burg për 38-vjeçarin Elton Dodaj pasi ky i fundit është akuzuar për trafikim të lëndëve narkotike në formën e bashkëpunimit me një organizatë kriminale.

Sakaq, Interpol Tirana, në bashkëpunim me Interpol Roma dhe agjencitë ligjzbatuese, vijon procedurat për ekstradimin e 38-vjeçarit drejt Italisë.

Njoftimi i Policisë:

Lezhë

Finalizohet nga Policia e Lezhës dhe Interpol Tirana, operacioni policor i koduar “Torino”

Kapet dhe arrestohet, me qëllim ekstradimin drejt Italisë, 38-vjeçari në kërkim ndërkombëtar, pjesëtar i një organizate kriminale në fushën e narkotikëve.

Policia e Lezhës dhe Interpol Tirana, pas marrjes së informacionit për vendndodhjen e një shtetasi të shpallur në kërkim ndërkombëtar, finalizuan operacionin policor të koduar “Torino” si rezultat i të cilit u kap në Lezhë dhe u vu në pranga, me qëllim ekstradimin, shtetasi:

-Elton Dodaj, 38 vjeç, banues në Lezhë, pasi Gjykata e Torinos, Itali, ka caktuar ndaj tij masën e sigurisë “Arrest në burg”, për veprat penale “Trafikimi i lëndëve narkotike”, në formën e bashkëpunimit organizatë kriminale, parashikuar nga Kodit Penal italian.

Interpol Tirana, në bashkëpunim me Interpol Roma dhe agjencitë ligjzbatuese, vijon procedurat për ekstradimin e 38-vjeçarit drejt Italisë.

Materialet procedurale iu referuan Prokurorisë pranë Gjykatës së Rrethit Gjyqësor Lezhë, për veprime të mëtejshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat