Në Kuçovë dhe në disa zona të vendit mungon energjia elektrike, duke vështirësuar kështu procesin e numërimit të votave.
Operatori i Shpërndarjes së Energjisë Elektrike ka deklaruar se ka marrë të gjitha masat për mbarëvajtjen e procesit të votimit.
“Bazuar ne planin e masave te hartuar për zgjedhjet, grupet e OSHEE janë në terren për çdo rast konstatimi te defekteve dhe deri ne zgjidhjen e tyre janë marrë masa për pajisjen e qendrave te votimit e numërimit me gjeneratorë. Lidhur me shqetësimin e ngritur ne media për mungesë energjie në një nga qendrat e numërimit ne Kuçovë, theksojmë se defekti është riparuar shume shpejt brenda 20 min ndërkohë qe qendra ka vijuar furnizimin pa ndërprerje përmes gjeneratorëve. Edhe nga ana e KQZ nuk ka pretendime për problematike ne furnizimin me energji te objekteve ku po kryhet procesi i numërimit”, thuhet në njoftimin e OSHEE
