TAG Heuer dhe Porsche Chronograph kanë sjellë risi absolute në botën e orëve gjatë ditëve të fundit.
Kjo është ora e parë e krijuar në një bashkëpunim të ri midis prodhuesve të njohur të veturave dhe orëve.
Mbishkrimi i gdhendur i Porsche është i dukshëm në orë. Kjo orë përmban mbishkrimet “Porsche” dhe “TAG Heuer”.
Sipërfaqja, e cila duket se të kujton asfaltin, u krijua posaçërisht për këtë orë dhe shpreh një pasion për rrugën, ndërsa numrat arabë të kujtojnë numrat në panelin e instrumenteve të veturave sportive Porsche.
Ora vjen në një rrip të butë të bërë nga lëkura luksoze dhe shtresa inovative që të kujton një hapësirë të brendshme të Porsches ose në një rrip të bërë nga pjesë të ndërlidhura që pasqyrojnë një dizajn të modernizuar garash.
Versioni me një rrip lëkure kushton 5550 euro, ndërsa zgjedhja e një rripi metalik nënkupton një çmim prej 5700 euro.
