Gjiganti i mediave sociale Facebook ka parë rënien e përdoruesve të tij aktivë të përditshëm (DAU) (Daily Active User – Përdorues Aktivë Ditor) për herë të parë në historinë e tij 18-vjeçare.
Kompania mëmë e Facebook, Meta Networks thotë se përdoruesit aktivë ditor ranë në 1,929 miliardë në tre muajt deri në fund të dhjetorit, krahasuar me 1,930 miliardë në tremujorin e mëparshëm.
Firma paralajmëroi gjithashtu për ngadalësimin e rritjes së të ardhurave përballë konkurrencës nga rivalët si TikTok dhe YouTube, ndërkohë që reklamuesit po shkurtojnë gjithashtu shpenzimet.
Aksionet e Metës ranë me më shumë se 20% në tregtimin pas orarit të punës në Nju Jork.
Rënia e çmimit të aksionit të Metës fshiu rreth 200 miliardë dollarë (147.5 miliardë paund) nga vlera e tregut të aksioneve të kompanisë.
Aksionet në platformat e tjera të mediave sociale, duke përfshirë Tëitter, Snap dhe Pinterest, gjithashtu ranë ndjeshëm në tregtimin e zgjatur.
Shefi ekzekutiv, Mark Zuckerberg tha se rritja e shitjeve të firmës ishte dëmtuar pasi audienca, veçanërisht përdoruesit e rinj, ishin larguar për rivalët.
Meta, e cila zotëron platformën e dytë më të madhe të reklamave digjitale në botë pas Google, tha gjithashtu se ishte goditur nga ndryshimet e privatësisë në sistemin operativ të Apple.
